26/11/15

CANCIÓNS E CONTOS PARA O NADAL 2015

CLICA NA IMAXE 

https://sites.google.com/site/nadal2015pedrosalatas/

21/11/15

Santa Icía, Patrona dos Músicos

O domingo, 22 de novembro, é o Día de Santa Icía (Santa Cecilia), patrona dos músicos e como cada ano a Banda Municipal de Música de Viveiro fai un concerto extraordinario no Teatro Pastor Díaz, tal e como queda recollido no seguinte artículo de LA VOZ DE GALICIA.



A BANDA DE MÚSICA DE VIVEIRO  nace a partir da Banda de Exploradores, fundada no ano 1918 por D. Juan Latorre Capón, aínda que existen datos que aseguran que xa a finais do século XIX existía na vila unha agrupación similar. Ben é certo que dita Banda de Exploradores é a primeira formación consolidada que se instaura en Viveiro. Poucos anos máis tarde o Concello faise cargo da mesma asumindo os gastos que conleva a Escola de Música. Sucedéronlle a D. Juan Latorre dous directores de recoñecido prestixio no ámbito musical galego, que foron D. Higinio Cambeses, gran propulsor das Bandas Populares, e D. Jesús Pérez Rivas, musicólogo viveirense e fundador do Corpo de directores de Banda. En 1944, trala marcha deste último e durante trece anos, houbo actuacións esporádicas da Banda, baixo a dirección de D. Ramón Amor García. En 1957, iniciase unha segunda etapa desta agrupación que se mantén sen interrupción ata o día de hoxe. O seu director foi D. Alfonso Mariño Parapar, que abandoa a formación para perfeccionalos seus estudios durante dous anos, nos que se fai cargo da dirección D. Antonio Amigo, volvendo o primeiro en 1959 e manténdose ao cargo da mesma ata 1992, ano da súa xubilación. É substituido en breve período de tempo por D. Carlos Méndez. En 1993 faise cargo da dirección D. Francisco Javier Vidal Suárez ata o ano 2005. De 2006 ata 2015 faise cargo da banda D. Delio Represas Carrera. Entre os datos que merecen unha mención especial hai que destacar que a Banda de Viveiro foi a primeira de Galicia en incorporar mulleres á súa configuración e a pioneira das Bandas Xuveniles, a partir do ano 1973, tales circunstancias serviron de inspiración para a constitución doutras Bandas de similares características. Actualmente, dende Xullo de 2015 asume a dirección da agrupación D. Carlos Timiraos Timiraos. Pais, nais, fillos e fillas conforman esta agrupación dando conta do grande espírito familiar que a fan posible e do arraigo có que conta no pobo de Viveiro.

20/11/15

Unha clase de Música Tradicional

Os nenos e nenas de 6º de Infantil están a traballar sobre GALICIA e chegaron ao apartado da Música e Baile Tradicional e para que poidesen escoitar e ver en directo as cualidades do noso folklore, a súa profesora Inés organizou un pequeno concerto didáctico.
Visitounos un cuarteto de Música Tradicional "Non cho digo" formado por dúas gaitas, tamboril e bombo; pero ademais, a profesora Eva, trouxo os seus traxes de baile e axudadas polas profesoras Rita e Lucía explicaronlles a todos os nenos e nenas as características de cada un deles.
Organizamos unha pequena romaría cantando e bailando todos xuntos. Pasámolo estupendamente!
Agradecemos aos compoñentes do cuarteto: Samuel, Rafa, Fran e Adrián  a súa visita e a súa gran clase e concerto.

A túa Banda vai ao cole

O martes,17 de novembro, tivemos a oportunidade de contar no noso colexio cunha sección da BANDA DE MÚSICA de Viveiro. Ensináronnos os diferentes instrumentos dos que se compón unha Banda de Música, as súas características, os seus sons... Interpretaron varios temas musicais e poidemos probar os diferentes instrumentos.
Tamén nos invitaron a coñecer as instalacións onde ensaian e alí coñecer todo o que se pode facer pertencendo á Banda de Música.
O vindeiro sábado, 21 de novembro, no Teatro Pastor Díaz de Viveiro farán o Concerto Tradicional de Santa Cecilia (22 de novembro) que é a patrona dos músicos.

6/11/15

Para cantar polo Nadal